Қирғизистон президенти илк матбуот анжуманини ўтказади

Фото: Қирғизистон Президенти матбуот хизмати

Қирғизистон президенти Сооронбай Жээнбеков мамлакат раҳбари сифатида илк матбуот анжумани ўтказади.

Жээнбеков матбуот хизматининг маълум қилишича, президентнинг журналистлар билан учрашуви 19 декабрда “Ала-Арча” давлат қароргоҳида бўлиб ўтади.

Бу матбуот анжуман Жээнбеков 2017 йил 24 ноябрда президент лавозимига киришгандан кейин у берган биринчиси бўлади.

Қирғизистон президентларининг йил охирида матбуот анжуман ўтказиши анъанага айланган. Бундай амалиёт Алмазбек Атамбоев президентлиги йилларида ҳам мавжуд бўлган: мамлакатнинг собиқ президенти журналистлар билан ёзда ва декабрда учрашарди.