Аргентина собиқ президентининг хонадонидан 4 млн долларлик қимматбаҳо санъат асарлари топилди

Фото: AP

Аргентина полицияси сенатор ва собиқ президент Кристина Фернандес де Киршнернинг Буэнос-Айресдаги хонадонидан коррупция иши бўйича тергов доирасида 31та картинани мусодара қилди. Бу ҳақда Infobae портали хабар берди.
Маълумот берилишича, уларнинг умумий қиймати 4 млн долларни ташкил этади. Тезкор тадбир икки соатга яқин давом этган.

Пора олиш бўйича тергов ишлари режалаштириш бўйича вазир ўринбосари Роберто Барратанинг ҳайдовчисининг собиқ хотини турмуш ўртоғининг пул тўла сумка ташиганини кўрганини айтганидан сўнг бошланганди. Айбловга кўра, бу пуллар қурилиш ва энергетика компанияларидан олинган пора ҳисобланади. Ҳайдовчининг уйидаги тинтув вақтида унинг қаерларга боргани рўйхат қилинган дафтар топилган.