Месси - жаҳон чемпионатлари тарихидаги энг яхши тўпурар

Лионел Месси жаҳон чемпионатлари тарихидаги энг яхши тўпурар бўлиб олди. Аргентина миллий жамоаси ҳужумчиси ЖЧ-2026 гуруҳ босқичидан ўрин олган Австрияга қарши ўйинда мундиаллардаги 17-голини урди.

Бунгача у австрияликлар дарвозасига пенальтини амалга ошира олмай, рекорд ўрнатишни кечиктирган эди.

Месси Германия миллий жамоаси собиқ ҳужумчиси Мирослав Клозенинг рекордини янгилади. Клозе ҳисобида 16 та гол бор эди.

Айни дамда фаолиятини давом эттираётган футболчилар орасида Мессининг энг яқин таъқибчиси Килиан Мбаппе ҳисобланади. Франция миллий жамоаси сардорининг мундиаллардаги голлари сони 14 тани ташкил қилмоқда.

Жаҳон чемпионатларида энг кўп гол урган футболчилар:

• 17 - Лионел Месси (Аргентина)

• 16 - Мирослав Клозе (Германия)

• 15 - Роналдо (Бразилия)

• 14 - Килиан Мбаппе (Франция)

• 14 - Герд Мюллер (Германия)

• 13 - Жюст Фонтен (Франция)