Фото: РИА Новости/Владимир Астапкович
Москва ва Лондон чиқариб юборилган дипломатларни 2019 йил январдан бошлаб ортга қайтаришга келишиб олишди. Бу ҳақда Россиянинг Буюк Британиядаги элчиси Александр Яковенко маълум қилди.
— Биз январда Москва ва Лондонда дипломатик таркиблар қайта тикланиши бўйича келишувга эришдик, — деди у "Россия 24" телеканали эфирида.
Буюк Британия шу йилнинг мартида 23 нафар дипломатни мамлакатдан чиқариб юборган ва уларни персона нон грата деб эълон қилганди. Москва ҳам бунга худди шу тарзда жавоб қайтарганди. Россиялик дипломатларнинг чиқариб юборилишига Солсберида ГРУ собиқ полковниги Сергей Скрипаль ва унинг қизи Юлия заҳарланиши сабаб бўлган.
