«Фаол инвестициялар ва ижтимоий ривожланиш йили» Давлат дастури лойиҳасига кўра, нефть-газ, темир йўллари, ҳаво йўллари, кимёсаноат, энергетика, кон-металлургия ва бошқа шу каби стратегик тармоқларда босқичма-босқич ислоҳотларни амалга ошириш режалаштирилмоқда.
Унга мувофиқ, норматив-ҳуқуқий ҳужжат лойиҳаси ишлаб чиқилади.
Лойиҳа билан “Ўзбекнефтгаз”, “Ўзкимёсаноат”, “Ўзбекистон темир йўллари”, “Ўзбекистон ҳаво йўллари”, “Ўзбекэнерго” АЖлари, Навоий кон- металлургия комбинати ва шу каби стратегик корхоналарни босқичма-босқич ислоҳ қилинади.
Хусусан:
“Ўзбекнефтгаз” АЖ негизида инфратузилмавий корхоналарни давлат ихтиёрида қолдириб, рақобат мавжуд бўлган соҳада фаолият кўрсатаётган корхоналардаги компания улушини бозор қийматида аукцион орқали инвесторларга сотиш;
“Ўзбекистон темир йўллари” АЖ таркибидан транспорт - экспедиторлик, вагон ташувларни хусусий секторга бериш ҳамда темир йўл вокзаллари ва темир йўл инфратузилмасининг бошқа объектларини бошқаришни давлат-хусусий шериклик ва аутсорсинг асосида хусусий секторга бериш кўзда тутилади.
«Фаол инвестициялар ва ижтимоий ривожланиш йили» Давлат дастури лойиҳаси жамоатчилик муҳокамалари 2019 йилнинг 15 январига қадар ўтказилиши режалаштирилган.
