Франция Япониядан Renault ва Nissan’ни бирлаштиришни талаб қилмоқда

Франция ҳукумати Япониядан ҳозирда альянс шаклида бўлган Renault ва Nissan компанияларини ягона холдинг корпорациясига бирлаштиришни талаб қилмоқда. Бу ҳақда Nikkei газетаси хабар қилди.

Нашрнинг маълумот бериши, мазкур талаб Токиога ташриф буюрган француз делегацияси томонидан илгари сурилган. Делегация шунингдек, ҳибсга олинган Карлос Гон ўрнига Nissan директорлар кенгашига янги раис тайинлашни сўраган.  

Нашрнинг қайд этишича, Renault икки компания бирлашишини талаб қилмоқда, Nissan эса бунга қарши чиқмоқда. Чунки у ҳолда Renault акциядори бўлган Франция ҳукумати компания сиёсатига таъсир ўтказиш имкониятига эга бўлади.  

Ҳозирда Renault Nissan компаниясининг 43,4% акциясига эга бўлиб, корпорация раҳбари ва директорлар кенгаши аъзоларини тайинлаш ҳуқуқини қўлга киритган, Nissan эса Renault компаниясининг 15% акциясига эга ва овоз бериш ҳуқуқидан маҳрум.