Венесуэла мудофаа вазири мамлакатда давлат тўнтариши амалга оширилаётганини маълум қилди

Фото: REUTERS / Carlos Garcia Rawlins

Венесуэла мудофаа вазири мамлакатда давлат тўнтариши амалга оширилаётганини маълум қилди. Бу ҳақда РИА Новости хабар бермоқда.

Венесуэлада 21 январдан бери норозилик намойишлари бўлиб ўтмоқда.

Венесуэла парламенти спикери Хуан Гуайдо 23 январда мамлакатда муваққат ҳукумат амал қилиши вақтида ўзини мамлакатнинг вақтинчалик раҳбари деб эълон қилди. АҚШ уни президент деб тан олишини эълон қилган ва Венесуэла президенти Николас Мадуродан мухолифатга қарши куч ишлатмасликни талаб қилган.

Мадуро ўзини конституциявий президент деб эълон қилган, мухолиф парламент раҳбари Гуаидони эса “АҚШ қўғирчоғи” деб атаган. Айни вақтда АҚШдан ташқари, Гуайдонинг вақтинчалик президент мақомини Канада, Аргентина, Бразилия, Чили, Колумбия, Коста-Рика, Гватемала, Гондурас, Панама, Парагвай ва Перу тан олди.

Мадуро ўз тарафдорлари олдида қилган чиқишида унга Туркия президенти қўнғироқ қилиб, уни қўллаб-қувватлашини билдирганини айтди. Мадурони шунингдек, Боливия президенти Эво Моралес, Куба ҳукумати қўллаб-қувватлашини маълум қилган.

Clarin нашрининг маълум қилишича, Никарагуа ва Сальвадор раҳбарлари ҳам Мадурони қўллаб-қувватламоқда.

Тайёрлаган Дилшод Аскаров

#Венесуэла #давлат тўнтариши

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди