Молия вазирлиги давлат харидлари соҳасидаги ваколатли органга айланади

Норматив-ҳуқуқий ҳужжатлар лойиҳалари муҳокамаси порталида “Харид қилиш тартиб-таомилларини ташкил этиш ва ўтказиш тартиби тўғрисидаги низомга ўзгартиришлар ва қўшимчалар киритиш ҳақида”ги ҳужжат лойиҳаси жойлаштирилди.

Харид қилиш тартиб-таомилларини ташкил этиш ва ўтказиш тартиби тўғрисидаги низомга киритиладиган қуйидаги ўзгартиришлар ва қўшимчалар киритилади:

1-банднинг йигирманчи хатбошиси (давлат харидлари соҳасидаги ваколатли орган - Ўзбекистон Республикаси президенти ҳузуридаги Лойиҳа бошқаруви миллий агентлиги) қуйидаги таҳрирда баён этилади:

“давлат харидлари соҳасидаги ваколатли орган - Ўзбекистон Республикаси Молия вазирлиги;”.

7-банддаги “Буюртмачи” деган сўз “Корпоратив буюртмачи” деган сўзлар билан алмаштирилади.

10-банд ўз кучини йўқотган деб топилади.

20-банд “ҳолда” деган сўздан кейин “офертани таклиф этган иштирокчига ҳамда” деган сўзлар билан тўлдирилади.

24-банддаги ва 34-банднинг иккинчи хатбошисидаги “Буюртмачилар” деган сўз “Корпоратив буюртмачилар” деган сўзлар билан алмаштирилади.

35-банддаги “ўн” деган сўз “беш” деган сўз билан алмаштирилади.

40-банд “вазирлигининг” деган сўздан кейин “давлат молиясини бошқариш ахборот тизими” деган сўзлар билан тўлдирилади.

47-банддаги “Ўзбекистон Республикаси президенти ҳузуридаги Лойиҳа бошқаруви миллий агентлиги” деган сўзлар “Ўзбекистон Республикаси Иқтисодиёт ва саноат вазирлиги” деган сўзлар билан алмаштирилади.

53- ва 132-бандлардаги “Ўзбекистон Республикаси Инвестициялар бўйича давлат қўмитасининг” деган сўзлар “Ўзбекистон Республикаси Инвестициялар ва ташқи савдо вазирлигининг” деган сўзлар билан алмаштирилади.

65-банддаги “ўттиз” деган сўз “ўн” деган сўз билан алмаштирилади.

221-банднинг иккинчи хатбошиси “Марказга” деган сўздан кейин “ва ваколатли давлат органларига” деган сўлар билан тўлдирилади.

6-боб қуйидаги таҳрирдаги 235-1-банд билан тўлдирилади:

“235-1. Маълумот базалари электрон ҳамкорлиги орқали буюртмачилар билан тузилган шартномалар реестри бўйича маълумотлар алмашинуви махсус ахборот портали ва ДМБАТ ўртасида кунлик амалга оширилади”.

241-банд ўз кучини йўқотган деб топилади.