Хитойдаги автоҳалокат 20 кишининг умрига зомин бўлди

Хитойнинг шимолидаги Ички Мўғулистон мухтор туманида жойлашган кўмир қазиб олувчи компаниялардан бирининг юк машинаси билан юз берган йўл-транспорт ҳодисаси оқибатида 20 киши ҳалок бўлди, 30 киши жароҳат олди. 

Маҳаллий вақт билан 23 февраль соат 8.20да Шилин-Гол деган жойда ишчиларни конга олиб кетаётган юк машинаси автоҳалокатга учраган. Оқибатда 15 киши воқеа жойида, бир киши шифохонага йўлда, яна 4 киши эса шифохонада жон берган.

Таъкидланишича, ҳайдовчи тормоз носозлиги сабабли бошқарувни қўлдан чиқарган.

Камида 30 киши турли оғирликдаги жароҳатлар олган, уларга тегишли тиббий ёрдам кўрсатилган.