Аргентинанинг собиқ президенти яҳудий марказидаги портлаш иши бўйича оқланди 

Аргентина суди мамлакатнинг собиқ президенти Карлос Менемни 1994 йилда Буэнос-Айресдаги яҳудий маданий марказидаги портлаш иши бўйича оқлади.

Аргентинани 1989-1999 йиллар давомида бошқарган Менем жиноятни яширишда айбланган. Айбловчилар фикрича, у портлашга сурия миллатига мансуб аргентиналик тадбиркор Альберто Кануре Эдуланинг алоқадорлиги ҳақидаги маълумотни яширган. Прокуратура 88 ёшли собиқ президентга 4 йиллик қамоқ жазоси беришни талаб қилган.

“Менем оқлансин”, деб ҳукм чиқарган 3 нафар судьядан иборат ҳайъат.

Терговни бошқарган, сўнгра ундан четлатилган собиқ судья Хосе Галеано эса 6 йиллик қамоқ жазосига тортилди.

Аргентина бир қатор эронлик амалдорлар, Эроннинг собиқ президенти Ҳошимий Рафсанжаний ва Аргентина ҳукуматининг 7 нафар собиқ амалдорини мамлакат тарихидаги энг йирик терактни ташкиллаштиришга алоқадорликда айблаб келади. 1994 йил 18 июлда амалга оширилган терактда 85 киши ҳалок бўлган, 200 дан кўпроқ киши жароҳат олган.