Перуда кучли ёмғирлар сабабли 50 дан кўпроқ киши ҳалок бўлди

Перунинг 71 та туманида кучли ёмғирлар сабабли фавқулодда вазият тартиби жорий қилинди. Бу ҳақда El Peruano нашри хабар берди. Ёмон об-ҳаво қурбонлари сони 51 нафарга етди, яна 79 киши жароҳат олган, умумий ҳисобда 13 мингдан кўпроқ одам жабр кўрган. 

Фавқулодда вазият тартиби 60 кунлик муддат билан киритилди. Ёмғирлар сабабли 228 та уй, 26 та кўприк ва 11 км йўл вайрон бўлган. Ҳукумат табиий офатдан зиён кўрганларга 700 тонна гуманитар ёрдам жўнатган. Сув остида қолган ҳудудлардан одамлар махсус техникада олиб чиқилмоқда.