Инсон улғайиб, фарзандли бўлади. Уларнинг тинчлиги, фазл-у камолоти учун ҳар нарсага чидайди. Уйқусиз кун-у тунлар ўтказади. Бироқ ота-она учун бу синовлар ичида фарзандининг азоби билан берилган синов энг аччиғи бўлса керак. Навбатдаги хайрия мурожаати Фарғона вилояти, Қувасой туманидан бўлди. Биз бу ерда ўз жигарбандининг хасталигига базўр дош бераётган ота-она ва дўстининг оғриқларига шерик бўлаётган инсонларни учратдик. Бемор йигит Хуршид Аҳмедовнинг олдида бўлдик.
Видео: Mover (tas-ix)
Видео: Youtube
«Фарзандим соғ-саломат юрган эди. Автоҳалокатга учрагандан сўнг, мазаси бўлмай қолди. Ҳеч нарса емай қолди. Энди институтни битириб, заводга ишга кирган эди. Тошкентгача олиб бордик. Таҳлиллари яхши чиқаверди. Кейин Наманганда МРТ қилган эдик, бошида шундай шиш чиқди. Даволаниш учун Санкт-Петербургга йўлланма беришди. У ердан қайтиб келганда, оёғи оқсоқланиб, аҳволи аксинча ёмонлашди. Бизга яна МРТ қилиб жўнатинглар, дейишди. Умуртқасини МРТ қилдик. Яна Санкт-Петербургга борганимизда 50 кун даволандик. Ўзгариш бўлмади. Докторлар: «Биз қўлимиздан келганини қилдик. Бола қийинчилик билан юриб кетади» деб айтишди. Энди яна кўрсатсак, барибир операция қилиш керак дейишяпти. Очиғи, маблағ йўқлиги учун Андижонга, Россиядан келган врачлар операциясига боролмадик.
Асаб томирларида муаммолар бор экан. Шу сабабли, операция қилинса тузалиб кетар экан. Ўзимдан ўтганини ўзим биламан. Отаси ҳам жуда қийналиб кетди. Ҳеч қайси она боласининг касаллигини кўрмасин экан. Ҳамма боламни уйлаб-жойлаганмиз. Кенжамиз шундай бўлиб турибди. Шунча қийинчиликларни кўрдик, лекин бундай синов жуда оғир бўлар экан. Ҳеч кимга бунақа кунни кўрсатмасин экан. Фарзандим ҳали ёш. Ёрдам беринглар. Ўтган сафарги даволанишларига анча маблағ кетди. Кўпчиликдан қарз бўлиб қолдик», – дейди беморнинг онаси .
Беморнинг хасталиги кўринишидан ҳам маълум эди. Унинг тиббий ҳолатини билмоқчи бўлдик. Шу сабаб унинг шифокори, неврапотолог Пўлатжон Шамсиевдан фикр олдик.
«Бу беморимиз 2018 йил 4 апрелдан бери бизда даволанади, рўйхатимизда туради. Даволаниши мобайнида 1-гуруҳ ногирони этиб белгиланди. Хуршид Аҳмедовнинг ташхисида бош ва орқа мияда ўсма, иккиламчи миопатия ва қандсиз диабет мавжуд. Бизда энди стационар ва амбулатор даволанишда. Бундай касалликларни малакали онколог ва нейрохирурглар кўрганидан сўнг, операция қилиш тавсия этилади», – дейди шифохона тиббиёт ходими.
Хуршидбекнинг ота-онаси билан суҳбатлашганимизда фарзандининг даво топиши учун Ҳиндистонга бориши ва операция қилиниши кераклиги маълум бўлди. Зарур муолажа ва операция учун 10 минг АҚШ доллари атрофида маблағ зарур экан.
Азиз ватандош! Хуршидбекнинг тузалиб кетишида ўз ҳиссангизни қўшинг. Бу ёрдамимиз билан бутун умр шу йигитнинг ташаккурига эришсак, не ажаб. Эҳсон қилишдан чарчаманг, ҳимматингиз янада баланд бўлсин. Зотан, Парвардигор яхши ниятда бошлаган ишларимизда тўғри йўл кўрсатиб мадад бериши шубҳасиз.
Аҳмедова Маликахон (онаси) номига очилган пластик карточка:
Click/PayMe: 8600 0423 3095 4107 (Агробанк)
МФО: 00517
ИНН: 200123466
Нақд пул топширганда: 23116000300000517001
Мижоз аризасига асосан картадан картага пул ўтказилганда: 23118000100000517001
Бошқа ташкилотлардан келиб тушган маблағлар транзити: 23120000800000517001
Телефон рақами: (91) 650-12-51
Жамшид Ахмедов (беморнинг Россиядаги акаси):
Сбербанк картаси: 4276 3600 1431 0681
Телефон рақами: +79140316034
Баҳодир Аҳмедов тайёрлади
Ҳурматли "UZCARD" карточка эгалари! "UZCARD" тизими сизни огоҳлантиради!
Ҳеч кимга ва ҳар қандай вазиятда пластик картангизга тааллуқли маълумотларни, айниқса телефон рақамингизга кирувчи СМС хабарларни (масалан, То'lovni tasdiqlash kodi: 123456. Kodni hech kimga bermang" ёки "Код oplati. Nikomu ne soobshayte etot kod. 123456") ошкор қилманг. Сизга ёрдам пулини пластик карточкасидан ўтказиб бераётган номаълум шахс телефон орқали мурожаат қилиб мобил телефонингизга келиб тушаётган СМС — кодлар тўғрисидаги маълумотларни билмоқчи бўлаётганини сезган бўлсангиз, билингки ушбу шахс фирибгарлик йўли билан карточка ҳисоб рақамингиздаги пул маблағларини ўғирлашга уринмоқда. Агар карта ҳисоб рақамингиздан пул маблағлари ўғирланаётганини сезган бўлсангиз дарҳол карточкангизни олган банкингизга картани блоклаш учун мурожаат қилишингиз ёки ушбу амалиётни бевосита ўзингиз мобил ёки веб иловада бажаришингиз мумкин.
