Рустам Саъдиев «Барон» фильми учун муддатини ўтаётган наркобаронлар билан учрашганини айтди

Сўнгги йилларда Ўзбекистон киносаноатида давлат буюртмасига биноан тарихий, ватанпарварлик ва хавфсизлик мавзусидаги фильмларнинг сони кўпаймоқда. Киносаноатнинг хусусий фильмлар йўналишида танилган бир қатор режиссёрлар бугунги кунга келиб давлат буюртмасига биноан ҳам фильмлар суратга олишмоқда.

Режиссёр Рустам Саъдиев Kun.uz мухбири билан суҳбатда «Барон» фильмини ишлашдан олдин кечган жараён тўғрисида сўзлади ва махсус хизмат вакиллари уни наркобизнес вакиллари билан учраштиришганини айтиб ўтди.

«Сотқин» фильми «Барон»нинг биринчи қисми суратга олинишига сабаб бўлди, десам муболаға бўлмайди. «Сотқин» фильми оммалашганидан кейин махсус хизматларда ишлайдиган «кўринмас соҳа» вакилларимиз – Мафкура бўлими мутахассислари яна ҳамкорликда ишлашни таклиф қилишди. «Барон» фильмининг асосий ғояси улар томонидан илгари сурилган.

«Барон» фильми мен учун ҳам кутилмаган киноасар бўлган. Мослашиб олишим қийин кечган. Қамоқда муддатини ўтаётган ҳақиқий наркобаронлар билан ҳам учраштириб, уларнинг мақсади, нияти ва табиатини ўрганиш учун суҳбатлаштиришган.

Рустам Саъдиев билан суҳбатнинг тўлиқ шаклини Kun.uz’нинг YouTube ва Mover’даги саҳифаларида томоша қилишингиз мумкин.

Видео: Mover (tas-ix)

Видео: Youtube