Ганадаги автоҳалокатда 70 дан кўпроқ одам ҳалок бўлди

Фото: Pulse.Com.Gh

Гана ғарбида иккита автобуснинг рўпарама-рўпара тўқнашуви оқибатида 70 дан кўпроқ йўловчи ҳалок бўлди. Бу ҳақда маҳаллий портал mynewsgh.com маълум қилди.

Йўл-транспорт ҳодисаси Шимолий Кинтампо округида 22 март эрталаб юз берган. Тўқнашувдан кейин автобуслардан бири ёниб кетган, ундаги барча йўловчилар воқеа жойида ҳалок бўлган. Иккинчи автобус йўл четидаги қияликдан ағдарилиб кетган. Ундаги бир неча йўловчи омон қолган, жароҳатланганлар шифохонага етказилган.

Тахмин қилинишича, автоҳалокатга автобуслардан бири ҳайдовчиси ухлаб қолиб, қарама-қарши йўналишга чиқиб кетгани сабаб бўлган. Воқеа тергов қилинмоқда.