Фото: Getty Images
Одесса области собиқ губернатори Михаил Саакашвили Украина президенти Пётр Порошенкони ўзига Украина паспортини қайтариб беришга чақирди. Бу ҳақида «Украинская правда» хабар қилмоқда.
«Сиз мени Украина қонунчилиги ҳамда халқаро нормаларни бузган ҳолда фуқароликдан маҳрум этдингиз», - деди Саакашвили.
Унинг сўзларига кўра, Порошенкода «қонунга мувофиқ ҳаракат қилиш» учун президентлик сайловлари иккинчи тури олдидан етарлича вақт бор.
Бундан ташқари, унинг қўшимча қилишича, Украинада у билан «ёмон ва ноқонуний» муносабатда бўлишган.
Бундан олдин, Саакашвили Украинага қандай шартда қайтишини айтганди.
