Фото: РИА Новости / Алексей Дружинин
Фаластин президенти Маҳмуд Аббос Муҳаммад Штайя раҳбарлигидаги янги ҳукуматнинг қасамёдини қабул қилди, деб хабар берди маҳаллий телевидение. Штайя Рами Ҳамдалла ўрнини эгаллади.
Ҳукумат ҳозирча 22 нафар вазирдан ташкил топган. ВАФА агентлигининг хабар беришича, ички ишлар ва диний масалалар вазирлари тайинланмаган.
Ғазо секторида ҳукмронлик қилувчи ХАМАС ҳаракати янги ҳукуматни "айирмачи" деб атади ва унинг қонунийлигини тан олмаслигини билдирди.
