Суданда ҳарбийлар ҳокимиятдан четлатилган собиқ президент Умар ал-Баширни пойтахт Хартумдаги турмага жойлашди. Бу ҳақда Associated Press ахборот агентлиги хабар берди.
Ҳарбий кенгаш вакилининг айтишича, Суданнинг собиқ президенти 16 апрель кечки вақт Копар турмасига ўтказилган. Ал-Башир тўнтарувдан кейин ўз қароргоҳида “уй қамоғида” сақланаётган эди.
1993 йилдан Суданни бошқариб келган ал-Башир мамлакатда бир неча ой давом этган норозиликлардан кейин 11 апрелда ҳарбийлар томонидан ҳокимиятдан четлатилганди.
