Колумбияда кўчки оқибатида 19 киши ҳаётдан кўз юмди

Колумбияда 21 апрелда содир бўлган кўчки оқибатида 19 киши ҳаётдан кўз юмди, 5 киши жароҳат олди. Воқеа мамлакат жанубидаги Каука департаментида содир бўлган.

Кўчки камида 8 та уйни босиб қолган ва АҚШ ҳамда Канадани Лотин Америкаси давлатлари билан боғловчи Панамерика шоссесининг бир қисмини тўсиб қўйган. Кўчкига кучли ёмғирлар олиб келган.

“Каукада Панамерика шоссесининг Попаян ва Пасто шаҳарлари ўртасидаги қисмидаги кўчкида жабрланганларга шошилинч ёрдам кўрсатмоқдамиз. Айни вақтда 19 киши ҳалок бўлган, 5 киши жабрланган”, дейилган мамлакат фуқаролик мудофааси хизмати хабарида.  

Колумбия президенти Иван Дуке ҳалок бўлганлар оилаларига ҳамдардлик билдирган.