Қозоғистон президентининг ортиқча вазни ва кекса ёшини Photoshop ёрдамида яширишга уринилмоқда – ОАВ
Қозоғистонда президент вазифасини бажарувчи Қосим-Жомарт Тоқаевни Photoshop дастури ёрдамида ёш ва ғайратли қилиб кўрсатишга уринилмоқда. Ваҳоланки, Тоқаев 66 ёшда ва ортиқча вазнга эга, деб хабар берди “Версия Инфо” нашри.
Таъкидланишича, Қозоғистон президентининг расмий сайтида Тоқаевнинг “яхшиланган” суратлари жойлаштирилмоқда. Бироқ уларда президентнинг териси ғайритабиий силлиқлиги, текис ва бир дона ажинсизлиги яққол кўзга ташланади. Унинг ёшидаги одам учун бундай ташқи кўриниш жуда кам учрайдиган ҳолатдир ва жарроҳлик аралашувисиз бунинг иложи йўқ. Вақтинчалик президентнинг имижмейкерлари жарроҳликка бормаслик учун Photoshop’дан фойдаланишга қарор қилишган кўринади.
Тоқаевнинг маҳаллий ОАВ ва расмий манбаларда эълон қилинган аксарият суратларида унинг юзи дастурдаги “ёйиш” (Blur) инструменти ёрдамида наридан-бери ретуш қилинганини пайқаш мумкин.
Шунингдек, Photoshop’да Тоқаевнинг бақбақаси “олиб ташланиб”, унга ориқроқ кўриниш берилган.
Баъзи тахминларга кўра, Қозоғистон ҳукумати Тоқаев ёшроқ ва мамлакатни бошқаришга қодир шахсдек кўриниши учун унинг камчиликлари ва ёшини ниқоблашга ҳаракат қилмоқда.
Мавзуга оид
18:31 / 23.09.2024
Қозоғистон ва Ўзбекистон Сирдарёда 10 та гидропост ташкил қилади
20:09 / 20.09.2024
Қозоғистонда хорижликларни депортация қилиш қоидалари кучайтирилиши мумкин
08:30 / 20.09.2024
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024