Россиянинг “Энергия” компанияси томонидан Миср учун ишлаб чиқилган EgyptSat-A сунъий йўлдоши сайёрамиз сиртининг ўта юқори аниқликдаги 4К форматдаги илк тасвирини олди. Сунъий йўлдошда ўрнатилган видеотизим Sen британ компанияси томонидан ишлаб чиқарилган.
Тизим 6 та видеокамера, уларни бошқарувчи ва видеони қайта ишловчи компьютердан иборат.
Sen компанияси сайтида эълон қилинган видеода Ўртаер денгизи ва Қизил денгизни кўриш мумкин.
Ҳозирда EgyptSat-A сунъий йўлдоши россиялик мутахассислар бошқаруви остида парвоз синовларидан ўтказилмоқда. Шундан кейин у Мисрга топширилади.
