ИИВ ёниб кетган юк машиналари бўйича расмий маълумот берди
Жорий йилнинг 10 июнь куни тахминан соат 05.40 ларда Бухоро вилоятида, шу куни соат 17.05да Тошкент вилоятида юк машиналар билан юз берган ёнғин юзасида Ички ишлар вазирлиги расмий маълумот берди.
«Зангиота туманида яшовчи 22 ёшли А.А. бошқарувидаги « ЗИЛ-131» русумли юк автомашинасини « Жийдали» маҳалласи ТХАЙ кўчасида ҳайдаб кетаётган вақтида юк автомашинасида ёнғин содир бўлган. Кўрилган чоралар натижасида ёнғин ўчирилган.
Ёнғин оқибатида юк автомашинасининг кузов ости қисми ёниб зарар кўрган ва юк автомашинаси йўловчиси 21 ёшли С.С. куйиш жароҳатлари билан касалхонага ётқизилган. Ёнғин келиб чиқиш сабаблари ва келтирилган моддий зарар миқдори аниқланмоқда.
Бухоро вилоятининг Ғиждувон туманида яшовчи 59 ёшли Р.Н. бошқарувидаги « КамАЗ» юк автомашинасини « Зарангари» МФЙ Урганжи қишлоғи ҳудудида ҳайдаб кетаётган вақтида юк автомашинасига ўрнатилган газ баллони портлаб кетиши оқибатида юк автомашинасида ёнғин содир бўлган. Кўрилган чоралар натижасида ёнғин ўчирилган.
Оқибатда юк автомашинасининг салон қисми ёниб зарар кўрган. Жароҳат олганлар йўқ», — дейилади расмий хабарда.
Мавзуга оид
12:20 / 04.10.2024
Хабаровск театридаги ёнғиндан кейин мигрантлар қўлга олинди
12:00 / 03.10.2024
Андижондаги корхонада ёнғин содир бўлди
13:17 / 02.10.2024
Аграр университетдаги ёнғин: бинолардан бирининг томида қуёш панеллари бўлган
11:17 / 02.10.2024