Президент Тошкентга қайтиб келди

Президент Шавкат Мирзиёев Қирғизистон ва Тожикистонга ташрифларини якунлаб, Тошкентга қайтиб келди. 

Аввал хабар берилганидек, Президентимиз Бишкек шаҳрида ўтган Шанхай ҳамкорлик ташкилоти ҳамда Душанбе шаҳрида бўлган Осиёда ҳамкорлик ва ишонч чоралари бўйича кенгаш саммитларида иштирок этди.

Саммитлар доирасида қатор хорижий делегациялар раҳбарлари билан самарали музокаралар ҳам ўтказди.