Япониянинг Кюсю оролида кучли ёмғирлар сабабли бир миллиондан ортиқ киши эвакуация қилинмоқда

Япониянинг Кюсю ороли жанубий ҳудудларида кучли ёмғирлар сабабли сув тошқинлари ва кўчкилар юз бериши мумкинлиги боис бир миллион 94 минг киши эвакуация қилинади, деб хабар берди Киодо агентлиги.

Агентликнинг маълумот беришича, Миядзаки ва Кагосима префектураларида вайрон бўлиши ва сув остида қолиши мумкин бўлган 517,5 минг хонадон эвакуация қилинади. 

Метеорологлар пайшанба куни Япониянинг жануби-ғарбий ҳудудларида кучли ёмғирлар ёғиши давом этиши кутилаётганини билдирди. Уларнинг айтишларича, айрим ҳудудларда бир суткада бир ойлик меъёрдаги ёмғир ёғиши мумкин.

Ўтган йили июлда Хиросима, Эхимэ ва Окаяма префектураларида кўчки ва сув тошқинлари 200 кишининг ҳаётига зомин бўлганди.