Венгрия пойтахти Будапешт шаҳрида дзюдо бўйича Гран-при мусобақаси старт олди.
Бугун биринчи кунги баҳсларда эркаклар -60, -66 кггача вазнда, аёллар -48, -52 ва -57 кггача вазнда татамига чиқишмоқда.
Дастлабки кунги иштирокчилар орасида ўзбекистонлик спортчилардан эркаклар баҳсида Комрон Нуриллаев ва Шарофиддин Лутфиллаев -60 кг, Сардор Нуриллаев ва Шаҳрам Аҳадовлар -66 кг вазнда қатнашмоқда.
Ўзбекистонлик дзюдочи қизлардан Диёра Келдиёрова -52 кг вазнда мусобақада қатнашди. У дастлабки баҳсдаёқ япониялик Маида Чишимага ютқазди ва мусобақадан чиқди.
Ўзбекистонлик дзюдочи йигитлардан Комрон Нуриллаев ва Шарофиддин Лутфиллаев ва Шаҳрам Аҳадовлар баҳсларни муваффақиятли давом эттираётган бўлса, -66 кг вазнли спортчилардан бири Сардор Нуриллаев аргентиналик Алмог Талга ютқазиб мусобақани эрта тарк этди.
Турнирдаги биринчи кунги баҳслар давом этмоқда.
