Ҳиндистонда ёмғирлар сабабли юзага келган сув тошқинларидан 800 мингдан ортиқ киши жабр кўрди

Фото: AFP 2019 / DIPTENDU DUTTA

Ҳиндистоннинг Ассам штатида тинимсиз ёмғирлар сабабли юзага келган сув тошқинлари оқибатида 800 мингдан ортиқ киши жабрланди, олти киши ҳалок бўлди. Бу ҳақда NDTV телеканали хабар берди.

Тўхтовсиз ёмғир ёғиши натижасида дарёлардаги сув сатҳи рекорд кўрсаткичга яқинлашган. Синоптикларнинг огоҳлантиришича, ёмғирлар яна камида икки кун давом этади.

Қайд этилишича, табиий офат штатдаги 33 округдан 21тасига талофат етказган.

Штатдаги 27 минг гектардан ортиқ далалар сув остида қолган.