AKFA университетида кириш имтиҳонлари бўлиб ўтмоқда

Жорий йилнинг сентябрь ойида талабаларга ўз эшикларини очиши режалаштирилаётган AKFA университетининг кириш имтиҳонларига 16 июль куни соат 9:00 старт берилди. Университет қабул комиссиясининг таъкидлашича, 2018/19 ўқув йилида умумий ҳисобда 908 нафар абитуриент рўйхатдан ўтган. 

Имтиҳон саволларининг тузилиши, имтиҳонларни ўтказиш ва текшириш жараёнлари тўлиқлигича Корея Республикасининг Гачон университети тиббиёт коллежи мутахассислари томонидан амалга оширилади. 

Имтиҳонлар 3 та фан: кимё, биология ва математикадан ёзма иш кўринишида инглиз тилида ўтказилади. Тўплаш мумкин бўлган максимал балл 300 ни ташкил этади. Саволлар Ўзбекистоннинг лицей/коллеж/мактаб дастурига асосан кореялик мутахассислар томонидан шакллантирилган.

Шунингдек, AKFA университети имтиҳонларни очиқ ва шаффоф кечишини таъминлаш мақсадида жараёнларни тўлиқ равишда ижтимоий тармоқлардаги саҳифаларида трансляция қилмоқда. 

Маълумот учун, жорий ўқув йилида таълим маскани 200 нафар талабани қабул қилади. Энг яхши натижа кўрсатган 100 нафар талаба ҳар семестр давомида бепул ўқиш имкониятига эга бўлади. Бу жараён 6 йил давомида ҳар семестрда амалга оширилади. 2019/20 йилда талабаларнинг фақат тиббиёт йўналишида (School of Medicine) таҳсил олишлари кўзда тутилган.

AKFA университетининг ижтимоий тармоқлардаги ва мессенжерлардаги расмий саҳифалари:

Telegram: t.me/akfauniversity

Facebook: fb.com/akfauniversity   

Instagram: @akfauniversity

Youtube: bit.ly/2xoEsUT

Реклама ҳуқуқи асосида