Танишининг 100 миллион сўмдан ортиқ пулини ноқонуний ўзлаштирган шахс ушланди

2019 йил 23 июль куни Тошкент шаҳрининг Учтепа тумани Ички ишлар органларини фаолиятини мувофиқлаштириш бошқармасидан ҳужжатлар тўплами тушган. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар бермоқда.

Уларга кўра, шу йил 16 апрель куни Олмазор туманида яшовчи 40 ёшли А.Н. Дадил кўчасида таниши, Учтепа туманида яшовчи 33 ёшли Э.Р.га арзон нархда Lacetti русумли автомашинасини олиб беришни ваъда қилиб, ундан 103 200 000 сўм пулларини олганлиги ва берган ваъдасини бажармасдан пулларни ўз эҳтиёжлари учун ишлатиб юборганлиги аниқланган. А.Н. ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.