Францияда ўрмон ёнғинини ўчираётган самолёт қулаб тушди

Франциянинг Гар департаментида ўрмон ёнғинини ўчираётган самолёт-амфибия Женерак коммунасида қулаб тушди. Бу ҳақда France Info хабар берди.

Хабарда айтилишича, воқеа 3,4 тонна сув сиғадиган Tracker самолёти билан юз берган. Самолёт ҳафта бошидан буён давом этаётган ўрмон ёнғинини ўчиришга жалб этилганди.

Самолёт экипажи тақдири ҳақида ҳозирча аниқ маълумот йўқ.

Маълум қилинишича, воқеа жойига қутқарувчилар йўл олган.