Минг қути оқ қоғозлар учун олган 23 000 000 сўмни ўз эҳтиёжи учун ишлатиб юборган шахслар ушланди

2019 йил 2 август куни Тошкент шаҳрининг Миробод туман ИИБга ҳужжатлар тўплами тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Уларга кўра, шу йил 23 июль куни Фарғона вилояти Қўқон шаҳри Себзор кўчасида яшовчи 23 ёшли С.Х. ва Тошкент вилояти Чирчиқ шаҳрида яшовчи 26 ёшли Д.Ш.лар Авлиё ота кўчасида Наманган шаҳри Шерозий кўчасида яшовчи 38 ёшли К.В.га арзон нархда 1 000 қути А-4 форматидаги канцелярия оқ қоғозларни олиб беришликни айтиб, ундан 23 000 000 сўм пулини олган ва шу кунга қадар берган ваъдасини бажармай, пулларни ўз эҳтиёжлари йўлида ишлатиб юборган.

Ҳолат юзасидан жиноят иши қўзғатилиб, С.Х. ва Д.Ш.лар ушланганлар. Тергов ҳаракатлари олиб борилмоқда.