«Учқўрғон ёғ-мой»даги давлат улуши сотувга қўйилмоқда

Давлат активларини бошқариш агентлигининг Наманган вилояти ҳудудий бошқармаси “Учқўрғон ёғ-мой” АЖ устав капиталидаги давлат улуши сотувга қўйилаётгани ҳақида маълум қилди.

Корхона ҳидсизлантирилган тозаланган пахта ёғини ишлаб чиқариш билан шуғулланади. Давлат акцияларини савдоларга қўйиш санаси ва жойи – давлат акциялари 2019 йил 2 октябрдан “Тошкент РФБ” АЖ савдоларига қўйилади.

Давлат акцияларини эмитент устав фондидаги фоизи – 51,7 фоиз. Савдога чиқарилаётган акцияларининг умумий сони – 527 746 (беш юз йигирма етти минг етти юз қирқ олти) дона оддий акция.

Бир дона акциянинг номинал қиймати 3 034 (уч минг ўттиз тўрт) сўм бўлиб, бир дона акциянинг савдога қўйишдаги бошланғич нархи – 42 693 (қирқ икки минг олти юз тўқсон уч) сўм.

Акциялар пакетининг савдога қўйишдаги бошланғич нархи – 22 531 059 978 (йигирма икки миллиард беш юз ўттиз бир миллион эллик тўққиз минг тўққиз юз етмиш саккиз) сўм. Эмитентнинг устав фонди миқдори (пул ифодасида) – 3 094 683 034 (уч миллиард тўқсон тўрт миллион олти юз саксон уч минг ўттиз тўрт) сўм.

Биржа битими энг юқори таклифни тақдим этган талабгор билан биржа қоидаларига мувофиқ амалга оширилади.