Tetra Pak трансмиллий корпорацияси асосчиси вафот этди

Швециянинг Tetra Pak қадоқ қутилари ишлаб чиқарувчи компанияси асосчисининг ўғли, уни йирик трансмллий корпорацияга айлантирган Ханс Раусинг 94 ёшида Англияда вафот этди. Бу ҳақда Швециянинг SVT Nyheter телеканали хабар берди.

Tetra Pak компанияси 1951 йилда Рубен Раусинг томонидан Швециянинг Лунд шаҳрида ташкил қилинган. У дастлаб фақат сут маҳсулотлари учун картон қадоқлар ишлаб чиқаришга ихтисослашган. Ҳозирда корпорация маҳсулотларидан дунёнинг 170 мамлакатида фойдаланилади.  

Ханс Раусинг компанияга 1950-йиллардан бошлаб раҳбарлик қилган. Унинг даврида компания халқаро шартномалар тузишни бошлаган ва машҳурликка эришган.

Раусинг дунёнинг энг бой инсонларидан эди. Унинг бойлиги 12 млрд доллар деб баҳоланган.