Ricomel Beverages табиий шарбатли премиум ичимликларни таклиф этади

Сўнгги вақтларда Ўзбекистон газли ва газсиз ичимликлар бозорида маҳсулотлар сони кескин ошди. Дўкон ёки супермаркет пештахталарини айланар экансиз, уларнинг сони ва тури кўплигидан ақлингиз шошади. Бироқ уларнинг барчаси ҳам табиий маҳсулотлардан тайёрланган, деб бўлмайди. 

Қолаверса, газланган ичимликлар хусусида ҳар хил тиббий маълумотларнинг ошкор этилаётгани истеъмолчилар орасида табиий шарбатли газланмаган ичимликларга бўлган эътиборни кучайтиради. Шу онда, пештахталарда таклифнинг кўплигидан шошиб қолган харидор қайси ичимликни саватчага солишда бир он ўйланиб қолиши табиий.

Шу ўринда сизга премиум тоифасидаги ичимликларни ишлаб чиқарувчи Ricomel Beverages маҳсулотларини эслатиб ўтиш айни муддао.

2009 йилда ташкил топиб, Ўзбекистонга 10 йилдан ортиқ вақтдан буён ўзининг сифатли, асосийси, табиий шарбат асосида тайёрланган газсиз ичимликларини етказиб бераётган компания йиллар давомида ўз маҳсулотларининг барча соғлом ичимликлар учун белгиланган талабларга жавоб беришига ҳаракат қилиб келмоқда.

Бугунги кунда Ўзбекистон бозоридан ташқари, Қозоғистон, Қирғизистон ва Тожикистонга ўз маҳсулотларини етказиб бераётган компания 15 турдаги Dinay ичимликларини ишлаб чиқариш билан бирга, янги турдаги маҳсулотлар ишлаб чиқиш устида ҳам тинимсиз изланишлар олиб бормоқда.

NRJ Xtrim, RicoLA Traditional, RicoLA Cherry ва RicoLA Ice Coffee ичимликлари ҳам компаниянинг ўз анъаналарига содиқ қолган ҳолда янги таклиф этаётган ичимликлари ҳисобланади.  

Сиз дастлабки колалар мазаси қандай бўлганини татиб кўришни истасангиз Ricola Traditional айнан сиз учун. Чунки, даставвал, кола ичимликлари кола ёнғоқлари ва кока ўсимлиги асосида тайёрланган, газсиз ичимлик бўлган.

RicoLA Cherry ва RicoLA Ice Coffee олча ҳамда қаҳва таъмли ичимликлар бўлиб, янги таъмдаги, шу билан бирга, табиий шарбат негизида тайёрлангани билан бошқа турдош ичимликлардан фарқ қилади ва энг асосийси, компания маҳсулотларини ёш болалар ва ҳомиладор аёлларга ҳам бехавотир тавсия қилиш мумкин.

Компания қувват берувчи ичимликлар бозорида ҳам ўзининг табиий шарбат асосидаги NRJ Xtrim ичимликларини таклиф этади. Ушбу ичимликлар газланмагани, табиий ингредиентлардан тайёрлангани сабабли ҳам соғлом ичимлик ҳисобланади. NRJ Xtrim ичимлиги нафақат табиий шарбат асосида тайёрланган, балки унинг таркибида таурин моддаси ҳам йўқ. Таурин одатда кўплаб энергетик ичимликлар таркибида учрайди ва кунлик белгиланган меъёрдан (суткасига 3 граммгача) кўп истеъмол қилинганда инсон соғлиғи учун зарарли оқибатларга олиб келиши мумкин. NRJ Xtrim ичимлигида эса инсон организми учун фойдали 4 та турдаги В витамини мавжуд.

Instagram: @dinay.uzbekistan

Facebook: fb.com/Dinayuz

Ricomel Beverages

Реклама ҳуқуқи асосида