Ўзбекистон президентининг махсус вакили Фаластин элчиси билан учрашди

Исматулла Эргашев / Фото: Халқаро пресс-клуб

2019 йилнинг 3 октябрь куни Ўзбекистон Республикаси президентининг Афғонистон бўйича махсус вакили Исматулла Эргашев Фаластин Давлатининг фавқулодда ва мухтор элчиси Муҳаммад Таршахани билан учрашди.

ТИВ хабарига кўра, суҳбат чоғида Афғонистондаги вазиятни тартибга солиш масалалари ҳамда мазкур соҳадаги халқаро ҳамжамиятнинг саъй-ҳаракатлари юзасидан фикр алмашилган.

Шунингдек, Муҳаммад Таршахани Фаластин-Исроил можаросини ҳал қилишнинг жорий жиҳатлари тўғрисида маълумот берди.