30 октябрда Тошкент метросида иккита ҳодиса юз берди.
Жумладан, соат 14:59да Чилонзор йўналишининг “Мирзо Улуғбек” станциясида техник сабабларга (ҳаракат таркибнинг носозлиги) кўра йўловчилар поезддан станцияга чиқарилган. Бунинг оқибатида поездлар ҳаракати жадвалидан чиқиш 7-8 дақиқани ташкил қилган.
Соат 16:50да вагонда шубҳали буюм топилгани сабабли “Буюк ипак йўли” станциясида ҳаракат бекор қилинган. Жадвалдан оғишиш 3 дақиқани ташкил қилган.
Тошкент метрополитени маъмурияти юзага келган ноқулайликлар учун йўловчилардан узр сўраган.
