МСК: вафот этган шахс депутатликка номзод сифатида рўйхатга олингани ҳақидаги маълумот тасдиқланмади

Фото: Марказий сайлов комиссияси

Ўзбекистон Республикаси Марказий сайлов комиссияси вафот этган шахс депутатликка номзод сифатида рўйхатга олинганлиги ҳақидаги маълумот тасдиқланмаганини хабар қилди.

Қайд этилишича, МСК 20 ноябрь куни ижтимоий тармоқларда пайдо бўлган, бир неча йил олдин вафот этган шахсни депутатликка номзод сифатида рўйхатга олинганлиги тўғрисидаги тахминий хабарлар юзасидан текширув ўтказди.

Марказий сайлов комиссиясининг маълум қилишича, ушбу маълумот тасдиқланмади.

Бундан олдин, Марказий сайлов комиссияси бир неча йил олдин вафот этган шахснинг депутатликка номзод сифатида рўйхатга олинганлиги ҳақидаги маълумот юзасидан текширув бошлаганди.