АҚШ жосусликда гумонланган хитойлик икки дипломатни мамлакатдан чиқариб юборди

АҚШ ҳукумати 2019 йил сентябрда Виржиния штатидаги ҳарбий базага ноқонуний киришга уринган икки нафар хитойлик дипломатни махфий равишда ўз ҳудудидан чиқариб юборди, деб хабар берди The New York Times.

Нашрнинг ёзишича, улар Хитой разведкасига ишлашда гумонланмоқда.  

Дипломатлар турмуш ўртоқлари билан махсус ҳарбий базага келган. Объектга киришда уларнинг ичкарига кириш учун рухсатномаси йўқлиги маълум бўлган. Аммо улар ичкарига киришга уринишган.

Вашингтоннинг тахминича, дипломатлар шу тарзда базадаги хавфсизликни таъминлаш тизими қандай ишлашини аниқлашга уринган. Хитойликлар эса базани қўриқлаётган ҳарбийларнинг гапини тушунишмаганини айтишган.