Uzbekistan Airways об-ҳаво шароити ёмонлашгани сабабли қатор қатновлар ушланиб қолиши ҳақида маълум қилди

Фото: Uzbekistan Airways

Uzbekistan Airways об-ҳаво шароитлари ёмонлашгани сабабли (туман), бир нечта қатновлар ушланиб қолиши ҳақида маълум қилди.

Қайд этилишича, Наманган аэропорти ёпилди (кўриниш масофаси 50 метр). HY-095 (Тошкент-Наманган) қатнови соат 9:30 га кўчирилди.

HY-042 (Самарқанд-Тошкент) қатнови Тошкент аэропортида кўриниш етарли даражада бўлмаганлиги сабабли соат 09:30 га кўчирилди. Шу муносабат билан HY-065 (Тошкент-Термиз) қатнови соат 10:30 га кўчирилди.

HY-3620 (Жидда-Тошкент) қатнови ҳаво кемасининг сардори Тошкент аэропортида соат 07:17 да кўриниш етарли даражада бўлмаганлиги сабабли, самолётни Бухоро аэропортига қўндиришга қарор қилди. Ҳозирда самолёт Тошкентга учишга тайёрланмоқда.