Сергелида инвестиция шартномасига асосан ажратилган ерни сотмоқчи бўлган шахс ушланди

Фото: Fotolia

Бош прокуратура ҳузуридаги Департаментнинг Тошкент шаҳар бошқармаси томонидан прокуратура органлари билан ҳамкорликда, Сергели тумани, Қўйлиқ мавзесида тезкор тадбир ўтказилди.

Унда, “B.T.” МЧЖ раҳбари М.А. “Замонавий маҳалла” лойиҳаси асосида Сергели тумани, Қўйлиқ мавзесида маданий-маиший хизмат кўрсатиш объектларини қуриш учун “B.H.Q.” ХКга инвестиция шартномаси асосида ажратилган 0,55 гектарли ер майдонини фуқаро Р.А.нинг ишончига кириб, унга 290 000 АҚШ долларига сотишни режалаштириб, шундан, 10 000 АҚШ долларини фирибгарлик йўли билан олган вақтида жиноят устида ушланган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилди.

Ҳозирда тергов ҳаракатлари ўтказилмоқда.