«Туронбанк» АТБнинг замонавий банк хизматлари офиси яна биттага кўпайди

Қулайлик, сифатли ва тезкор хизмат ҳамда шинам интерьер дизайни. Банк – молия соҳасида ўттиз йиллик тажрибага эга «Туронбанк» АТБ томонидан Республиканинг барча туман ва шаҳарларида янгидан ташкил этилаётган замонавий қиёфадаги «Банк хизматлари офис»ларига мана шундай таъриф бериш мумкин. Ривожланиб бораётган бозор иқтисодиёти шароитига тайёр бўлган мазкур офислар, аҳолининг ҳар қандай талабига тўлиқ жавоб бериб, вақт ва маблағнинг ортиқча сарфланишига чек қўйиши билан аҳамиятлидир.

Ҳозирга қадар шундай офисларнинг ўнтасини халқ хизматига топширган «Туронбанк» АТБ унинг ўн биринчисини Хоразим вилояти Урганч туманида ишга тушириб, одамларнинг узоғини яқин, мушкулини эса осон қилди. Янги офис яқиндагина иш бошлаган тумандаги давлат хизматлари маркази биносининг қоқ марказида қад ростлади. Энди молия муассасаси билан боғлиқ ҳар қандай ҳужжатларнинг юритилиши бир шу ернинг ўзида амалга ошади. Бундан ташқари, ҳудудда «Урганч» буюм бозори, Урганч Давлат университети ва кўплаб хизмат кўрсатиш корхоналарининг мавжудлиги эса ҳам банк учун ҳам фуқаролар учун манфаатли бўлади.   

Айтиш керак, офисда малакали банк ходимлари юридик ва жисмоний шахсларга кенг кўламли молиявий ва консалтинг хизматларини кўрсатади. Хусусан, офисда ҳисоб рақам ва пластик карталар очиш, кредит олиш учун ариза бериш, омонатларни расмийлаштириш, барча турдаги тўловлар ҳамда халқаро пул ўтказмаларини бажариш мумкин. Замонавий банкомат ва инфокиосклар 24/7 режимида ишлайди.

Шунингдек, ушбу офислар орқали «Туронбанк» АТБ мижозлар учун махсус «Markaz» номли тариф режасини ҳам ишлаб чиқди. Унга кўра, барча «Банк хизматлари офислари»нинг янги мижозлари учун «дебет» айланмадан ундириладиган хизмат ҳақи бир йил давомида бепул этиб белгиланди, яъни 0%.

Бир сўз билан айтганда, давлатимиз раҳбарининг «Банк хизматлари оммабоплигини ошириш бўйича қўшимча чора-тадбирлар тўғрисида»ги қарори ижроси доирасида «Туронбанк» АТБ шу каби замонавий офисларнинг сонини янада кўпайтиради.

Маълумот учун телефон: (+998) 95 144-60-00

Сайт: turonbank.uz

Telegram: t.me/turonbankuz

Facebook: fb.com/turonbank

«Туронбанк» АТБ Матбуот хизмати

Реклама ҳуқуқи асосида