Дубай аэропортида тинимсиз ёмғир сабабли ўнлаб рейслар кечиктирилди
Бирлашган Араб Амирликларида кучли ёмғир ёғиши сабабли Дубай халқаро аэропортида ўнлаб рейслар кечиктирилди. Бу ҳақда БАА аэропортлар бошқармаси хабар қилди.
"Шанба тонгидан бери давом этаётган ёмон об-ҳаво шароити Дубай халқаро аэропортининг фаолиятига таъсир кўрсатмоқда. Кун давомида рейслар кечиктирилиши кузатилади. Айрим рейслар бекор қилинди ёки Дубай жанубидаги DWC аэропортига йўналтирилди", - бошқарма хабарида.
Ижтимоий тармоқлар фойдаланувчилари жойлаштирган видеолавҳаларда Дубай аэропортидаги самолётлар корпуси сувга тегиб тургани акс этган.
БАА миллий метеорология маркази ёмғир кун охиригача ёғишини маълум қилди ва аҳолига зарурият бўлмаса уйдан чиқмаслик ҳамда машина минмасликни тавсия қилди.
Мавзуга оид
13:50 / 13.09.2024
Дубайдан Тошкентга учиши керак бўлган авиарейс мажбуран бекор қилинди
19:31 / 07.09.2024
Дубайда дунёдаги иккинчи энг баланд осмонўпар бино қурилмоқда
11:47 / 29.08.2024
Ўзбекистон Дубайдаги йирик бизнес вакилларини хусусийлаштириш лойиҳаларига жалб қилади
08:30 / 16.08.2024