Ҳиндистон сув ости кемалари учун баллистик ракетани синовдан ўтказди

Ҳиндистон 19 январда сув ости кемалари учун К-4 баллистик ракетасини муваффақиятли синовдан ўтказди, деб хабар берди ҳукумат манбаларига иқтибос келтирган ҳолда ANI ахборот агентлиги. 

Маълум қилинишича, ракета Бенгал кўрфазида сув остидан учирилган. 

К-4 баллистик ракетаси ўрта масофаларга мўлжалланган бўлиб, турли жанговар каллакларни, жумладан ядровий каллакни таший олади. Уни Ҳиндистон мудофаа тадқиқотлари ва ишланмалари ташкилоти “Арихант” синфидаги сув ости кемалари учун ишлаб чиқаради. Ракеталарнинг максимал учиш масофаси 3500 кмни ташкил қилади.