10та халқаро ва 114та маҳаллий янги автобус йўналишларини очиш режалаштириляпти

Республика иқтисодиёти ва аҳолиси эҳтиёжлари учун автомобиль транспорти хизматлари кўрсатишни янада ривожлантириш кўзда тутилмоқда

Фото: Транспорт вазирлиги ахборот хизмати

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм-маърифат ва рақамли иқтисодиётни ривожлантириш йили”да амалга оширишга оид давлат дастури лойиҳаси эълон қилинди.

Йил давомида тегишли амалий чора-тадбирлар ишлаб чиқилади. Бунда аҳолига автотранспорт хизмати кўрсатиш тизимини яхшилаш доирасида республика бўйича:

10 та халқаро ва 114 та маҳаллий янги автобус йўналишларини очиш;

26 та автостанция қуриш ва реконструкция қилиш;

296 та оралиқ бекатларни қуриш;

600 та янги автобуслар сотиб олиш назарда тутилади.

Ижро учун масъуллар - Транспорт вазирлиги, тижорат банклари, “Ўзавтосаноат” АЖ, “Ўзавтосаноатлизинг” МЧЖ, Қорақалпоғистон Республикаси Вазирлар Кенгаши ва вилоятлар ҳокимликлари.