Кувайт коронавирус тарқалган давлатларнинг кемалари учун ўз портларини ёпди

Кувайт портлар бошқармаси коронавирус билан касалланиш ҳолатлари кўп сонда қайд қилинган давлатлар - Япония, Сингапур, Таиланд, Италия, Эрон, Ироқнинг кемаларига ўз портларида тўхташни тақиқлади. Бироқ нефть танкерлари бундан мустасно.

Фото: investory.news

Бу ҳақда Кувайтнинг “Ал-Анбаъ” нашри маълум қилди.

"Япония, Сингапур, Таиланд, Италия, Ироқ ва Эрондан келадиган кемаларга Кувайт портларига кириш тақиқланди. Бу тақиқ нефть танкерларига тааллуқли эмас", дейилган бошқарма хабарида.

26 февралда Кувайт соғлиқни сақлаш вазирлиги мамлакатда коронавирусдан касалланганлик бўйича 25та ҳолат қайд қилингани ҳақида хабар қилди.

Тайёрлаган: Шуҳрат Раҳимов

#Кувайт #порт #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.