Бўстонлиқда гиёҳвандлик воситасини сақлаб келган Россия фуқаросига нисбатан жиноят иши қўзғатилди
Тошкент вилоятида гиёҳвандлик воситасини ғайриқонуний сақлаш ва етиштириш аниқланди
2020 йилнинг 29 февраль куни Бўстонлиқ тумани ҳудудида тезкор тадбир ўтказилган. Бу ҳақда Ўзбекистон Республикаси ИИВ ҳузуридаги Тергов департаменти хабар бермоқда.
Тадбир жараёнида Россия Федерацияси фуқароси 52 ёшли Г.О. “Чорбоғ” қўрғонида жойлашган дала ҳовлисида 42,14 грамм “марихуана” гиёҳванд воситасини сақлаб келаётганлиги, бундан ташқари гул тувакларида 51 туб гиёҳванд ўсимликларини етиштириб, парваришлаб келаётганлиги аниқланган. Тадбир давомида аниқланган гиёҳвандлик воситалари ва ўсимликлар ўрнатилган тартибда расмийлаштириб олинган.
Мазкур ҳолат юзасидан Бўстонлиқ тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 276-моддаси 2-қисми “а” банди билан жиноят иши қўзғатилган ва Г.О. гумон қилинувчи тариқасида жалб қилинган.
Дастлабки тергов ҳаракатлари давом этмоқда.
Мавзуга оид
15:58 / 03.10.2024
Янгийўлда 4 ёшли қизчани зўрлашда гумонланаётган шахс ушланди
09:10 / 01.10.2024
Тошкентда хонадонида 38 кг гиёҳвандлик воситасини сақлаб келган шахс ушланди
11:30 / 24.09.2024
18 кгдан зиёд синтетик гиёҳвандлик моддасини олиб киришга уриниш фош қилинди
18:27 / 09.09.2024