Қўшимча функционаллар
-
Тунги кўриниш
Божхоначилар томонидан 5 килограммдан ортиқ гиёҳванд моддалар ушлаб қолинди
Тошкент вилояти божхона бошқармаси ходимлари ДХХ ходимлари билан ҳамкорликда гиёҳвандлик воситалари контрабандаси ва ноқонуний муомаласини олдини олишга доир тезкор тадбир ўтказишди.
Фото: Давлат божхона қўмитаси ахборот хизмати
Тезкор тадбир давомида муқаддам Ўзбекистон Республикаси Жиноят кодексининг 273-моддаси билан жиноий жавобгарликка тортилган Тошкент вилояти Олмалиқ шаҳрида истиқомат қилувчи Т.В. исмли шахс ёнида “гашиш” гиёҳвандлик воситаси борлиги аниқланган. Шунингдек, унинг жиноий шериклари бўлмиш 6 нафар шахслар ҳам аниқланиб, улар гиёҳвандлик воситаларини қонунга хилоф муомалага киритаётган вақтда қўлга олинган.
Ўтказилган тадбир давомида 3 кг 565 грамм “гашиш”, 1 кг 997 грамм “опий” гиёҳвандлик воситалари ашёвий далил тариқасида олинди.
Терговга қадар текширув давомида юқоридаги гиёҳвандлик воситалари Тожикистон Республикасидан ноқонуний йўллар орқали Ўзбекистон Республикасига олиб ўтилганлиги маълум бўлди.
Мазкур ҳолат юзасидан божхона органлари томонидан Ўзбекистон Республикаси Жиноят кодексининг 276, 273 ва 246-моддалари билан жиноят иши қўзғатилиб, тергов органига юборилди.
Мавзуга оид
21:47 / 15.11.2024
Қотил гиёҳванд бўлган: 3 ёшли болани ўлдирган эркак устидан суд бошланди
08:30 / 04.11.2024
ДХХ Тошкент вилоятида гиёҳвандлик воситалари ноқонуний айланмасига чек қўйди
13:30 / 09.10.2024
Гиёҳвандлик воситалари устидан назорат қилиш давлат комиссияси ваколатлари белгиланди
11:50 / 09.10.2024