Қўшимча функционаллар
-
Тунги кўриниш
Қирғизистонда аҳолиси карантинга риоя этмаган қишлоқ изоляцияга ўраб олинди
Қирғизистондаги Иссиқкўл қишлоғида истиқомат қилувчи 8 киши карантин қоидаларига риоя қилмагани учун қишлоқ тўлиқ изоляция қилиниб, ўраб олинган. Бу ҳақда COVID-19’га қарши курашиш бўйича республика штаби маълум қилган.
Гап Иссиқкўл области Тюп районидаги Иссиқкўл қишлоғи ҳақида бормоқда. Бу қишлоқда 8 киши хорижий сафардан келгач, мажбурий тарзда карантинга олинган эди.
«Фавқулодда вазият шароитида улар уй карантини шартларини бузганлиги сабабли коронавируснинг тарқалишининг олдини олиш учун область тезкор штаби томонидан бутун қишлоқ изоляцияга олинди», — деган штаб вакили.
Унинг сўзларига кўра, изоляция ҳақидаги қарордан сўнг қишлоқ аҳоли норозилик акцияси ўтказган. Бироқ милиция тартиб ўрнатишга муваффақ бўлган. «Айни пайтда вазият ҳуқуқни муҳофаза қилувчи органлар назорати остида», — дея аниқлик киритган штаб вакили.
Қирғизистонда ҳозирча коронавирусдан зарарланиш ҳолатлари сони 111тага етган. Касаллик авж олиши муносабати билан республикада фавқулодда ҳолат режими жорий этилган. Бир қатор шаҳарлар, жумладан пойтахт Бишкекда фавқулодда вазият режими амалда.
Коронавирус
Мавзуга оид
20:00 / 09.06.2026
“Марказий Осиёда хорижий давлатларнинг ҳарбий базаларига эҳтиёж қолмаган” — сиёсатшунослар
12:20 / 04.06.2026
Қирғизистон илк марта БМТ Хавфсизлик Кенгаши таркибига сайланди. Ўзбекистон қардош халқни табриклади
19:57 / 30.05.2026
Ўзбекистондан Қирғизистонга юборилган 21 тонна тарвузнинг ортга қайтарилиши сабаби маълум қилинди
20:49 / 29.05.2026