Bloomberg: Жаҳон иқтисодиёти коронавирус сабабли 5,5 трлн доллар йўқотади

Мorgan Stanley ривожланган давлатлар ЯИМ 2021 йилнинг учинчи чорагига келибгина аввалги даражага қайтиши мумкин деб ҳисобламоқда.

Фото: Issei Kato / Reuters

Коронавирус пандемияси яқин икки йил давомида жаҳон иқтисодиётини 5,5 трлн доллардан маҳрум қилади. Бу ҳақда JPMorgan Chase & Co таҳлилчиларига таяниб Bloomberg ёзмоқда.

«Пандемия сабабли ҳукуматлар бизнес тўхтатилишини, одамлар уйларида ўтиришини талаб қилганидан сўнг дунё 1930-йиллардан кейинги энг чуқур рецессияга дуч келмоқда», — деб ёзади агентлик.

Башоратларга кўра, қулаш узоқ давом этмайди, аммо жаҳон иқтисодиёти 2022 йилга қадар аввалги ҳолатига қайта олмайди.

«Ҳаттоки мислсиз монетар ва фискал рағбатлантиришлар бўлганида ҳам ялпи ички маҳсулот 2022 йилгача инқироздан аввалги кўрсаткичга қайтмайди», — дейилади башоратда.

«2020 йилда жаҳон савдоси ҳажми 13–32 фоизга қисқаради, чунки COVID-19 бутун дунёдаги иқтисодий фаоллик ва ҳаётни издан чиқармоқда», — дейилади Жаҳон савдо ташкилоти баёнотида.

Тайёрлаган Дилшод Аскаров

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.