Mercedes-Benz пандемия шароитида автомобилларни мижозларга етказиш хизматини йўлга қўйди

Mercedes-Benz компанияси янги хизматни йўлга қўйгани ҳақида эълон қилди. Компания интернет-дўкони орқали буюртирилган автомобилларни мижозларга контактсиз етказиб беради.

Фото: Mercedes-Benz

Автомобилнинг кўрсатилган манзилга етказиб берилиши учун ҳақ олинмайди. Ушбу хизмат ҳозирча фақат Германияда йўлга қўйилган.

Mercedes-Benz коронавирус пандемияси шароитида машиналарни мижоз уйига етказиб беришга қарор қилган охирги автомобил компанияларидан бири бўлди. Пандемия сабабли контактсиз савдога деярли барча брендлар ўтди.

Немис компаниясининг баҳолашича, автомобилларнинг онлайн хариди 5 йилдан кейин одатий кўриниш олади ва ҳар тўртинчи “Мерседес” уйдан чиқмай харид қилинади. Компания интернет-дўкони 2019 йил декабрдан оммалашиб, 400 мингга яқин фойдаланувчини жалб қилишга улгурди. Умуман олганда, компаниянинг онлайн-савдо хизмати илк бор 2016 йил ишга туширилган.

Бироқ таъкидлаш жоиз, Mercedes-Benz’нинг ушбу хизмати тўлиқ контактсиз ҳисобланмайди: машина калити ва ҳужжатларни мижозларга шахсий ҳимоя воситаларида бўлган ходим топширади.

Харидорлар ва автосалонлар вакиллари ўртасида умуман алоқасиз муомалани Geely ва Tesla компаниялари йўлга қўя олди: бу компаниялар машиналарининг калитлари АҚШ ва Хитойда мижозларга квадрокоптерларда етказиб берилмоқда. Британияда эса бунинг осонроқ усулидан фойдаланилмоқда: автомобилларни етказиш хизмати калитларни олдиндан айтилган махсус жойда қолдирмоқда.

#Mercedes-Benz #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.