Ўзбекистонда коронавирусдан зарарланиш ҳолатлари сони 2207тага етди

Соғлиқни сақлаш вазирлиги Ўзбекистонда яна 3 кишида коронавирус инфекциясидан зарарланиш ҳолати қайд этилгани ҳақида хабар берди.

«2020 йил 5 май соат 23:00 ҳолатига кўра, Ўзбекистонда коронавирус инфекцияси қайд этилганлар сони 2207 нафарни ташкил қилмоқда», дейилади хабарда.

Айни вақтгача жами 1501 киши касалликдан соғайган, 10 бемор вафот этган, 696 бемор шифохоналарда даволанмоқда.

Соғлиқни сақлаш вазирлиги матбуот котиби Фурқат Санаевнинг телеграм каналида касалликнинг ҳудудлар кесимида қайд этилиши ва уларнинг соғайганлиги билан боғлиқ кўрсаткичлардаги ўзгаришлар ифодаланган инфографикани тақдим этди.

Унга кўра, Бухоро (84 фоиз), Фарғона (83 фоиз), Қорақалпоғистон (80 фоиз), Сурхондарё (78 фоиз) ва Андижонда (72 фоиз) ҳам беморларнинг тузалиш кўрсаткичлари яхшиланмоқда.