Трамп Калифорния ҳукуматини АҚШдаги ягона Tesla автозаводини очишга рухсат беришга чақирди
Аввалроқ Илон Маск тақиқларга қарамасдан ўз заводини ишга туширганини маълум қилганди.
АҚШ президенти Дональд Трамп Калифорния штати ҳукуматини АҚШдаги ягона Tesla автомобиль заводига ишлашга расман рухсат беришга чақирди. У бу ҳақда ўзининг Twitter саҳифасида ёзди.
«Калифорния Tesla ва Илон Маскка заводни ҳозир очишга рухсат бериши керак. Буни тез ва хавфсиз амалга ошириш мумкин», — деб ёзди у.
Трамп ушбу твитни Илон Маск Аламида округи тақиқига қарамасдан корхонасини очгани тўғрисида маълум қилганидан бир неча соат ўтиб ёзди.
«Tesla Аламида округи кўрсатмаларига зид равишда бугун ишлаб чиқаришни қайта бошламоқда», деб ёзганди тадбиркор.
Заводдаги иш коронавирус эпидемияси билан боғлиқ чекловлар сабабли 23 мартда тўхтатилган. Калифорния губернатори Гевин Ньюсом 7 май куни штатнинг баъзи қисмларидаги корхоналарга 8 майдан ишни бошлашга рухсат берган.
Бироқ Фримонт шаҳри жойлашган Аламида округи санитария хизмати Маскнинг заводига ишни бошлашни тақиқлаган. Шундан кейин тадбиркор компания округга қарши судга арз қилишини ва бош қароргоҳини Калифорниядан Техас ва Невадага кўчиришини билдирганди.Техасда Tesla компаниясининг электромобиллар учун батареялар ишлаб чиқарадиган корхонаси жойлашган.
Мавзуга оид
23:19 / 10.09.2024
Европа Иттифоқи Tesla ва Хитойда ишлаб чиқарилган электомобиллар учун божларни камайтиради
21:51 / 05.09.2024
Tesla 2025 йилда Хитой ва Европа бозорларига «автопилот» тизимини олиб кирмоқчи
13:31 / 23.08.2024
Tesla заводи туфайли Берлин яқинида 500 000 дарахт кесилди
23:08 / 22.08.2024